París í hnotskurn?

Helgin :)

Kvarta ekki. Fékk yndislegt veður yfir helgina, sól og blíða þótt loftið væri svalt.

Stofnaði bankareikning :) nú get ég aftur farið að nota tékkahefti.. jibbí.. mitt uppáhald! Tékkheftið blívar nefninlega í hinu fagra frakklandi. Þetta veður örugglega fínt þegar mér tekst að skrifa ávísanirnar án stórkostlegra villna.

Fór í afmæli á laugardagskvöldið hjá einum tónlistarsnillingnum. Hann vann áhugamannamótið á piano í Frakklandi á árinu 2005. Virðist enginn áhugamaður.. þar sem hann spilar m.a. Rachmaninov eins og að drekka vatn. Hvernig fer fólk að þessu. Hann er með mastersgráðu í verkfræði og hreint út sagt ótrúlegur á pianóið. Ég hustaði á hann í byrjun desember þegar ég kom í viku til Parísar. Hann var þá að æfa sig fyrir tónleikana sem hann átti að verða með þann 15. desember með simfóníuhljómsveitinni. Ég skemmti mér vel við að hlusta á verkin hjá honum. Alveg greinilegt að Celine Dion með laginu "all by myself" stal hluta af einu verkinu hjá Rachmaninov. Er komin í ákveðið hugarástand..nýt þess að hlusta á hverja nótu.. og svo kemur miðkaflinn.. og heilinn byrjar.."all by myself"" c'est horrible!

Afmælið var annars notalegt.. Svona kaffistemming um kvöldið. Allir að rabba saman. Mamman að snúast í kringum alla og bjóða meir. Hún búin að baka og elda heilu tonnin af mat og kökum.

Sunnudagurinn var rólegur.. Fórum í Val d'Europe í outlet búðir þar og mollið.. Allir virtust hafa sömu hugmynd.. þar sem við vorum hálf stopp á leiðinni og hörmungin ein að finna stæði. Hingsóluðum í allaveganna 30 min á bílastæðinu aðeins til að finna eitt slíkt. En ótrúlegt þá tókst mér að kaupa mér gallabuxur sem og sængurföt á rúmið :) minn því ánægður.

@+

posted by Asthi @ 1/17/2006 04:04:00 e.h.