París í hnotskurn?

Alparnir

Algjör snilld :) Ég er alveg endurnærð eftir viku í Ölpunum. Alveg frábær snjór og endalaust skemmtilegar skíðaleiðir. Ég hélt að ég myndi nú ekki vera á erfiðustu eða svörtu leiðunum, taldi að þær væru nú allt of erfiðar fyrir minn.. en ég held nú ekki :) Farið var í eins margar svartar og við mögulega gátum, fórum út fyrir leiðirnar, inni á milli trjáa og rembdumst við að skíða í púðursnjónum, algjört ævintýri! Á kvöldin var svo notið þess að borða góðan mat, fara í sánu og hammam sem kælt sig eftir á í sundi. Spilað var oft langt eftir kvöldi og sofið vel fyrir næsta dag :D

Frederic, gæi frá Marceille, vaknaði svo alltaf eldsnemma til að fara og kaupa nýbakað bagget brauð og croissant... humm

Rauða skíðaúlpan og flíspeysan góða sem yndislegu vinnufélagarnir mínir gáfu mér í kveðjugjöf kom að góðum notum í fjöllunum. Ég á eftir að vinna í myndasíðunni, en mun setja þangað einhverjar skemmtilegar myndir úr ferðinni innan nokkurra vikna.

Þessi vika fer í að flytja í íbúðina hjá Adrian :) var að kaupa mér sófarúm í gær í Ikea, ekki alveg flottasta rúmið sem ég gat fengið en nægjanlega fínt til að byrja með. Einnig ætla nokkrir í vinnunni að fara í keilu á miðvikudagskvöldið, held það verði rosalega skemmtilegt, ekki spurning að það þurfi að rífa aðeins stemminguna upp hérna.

Bið að heilsa í bili

posted by Asthi @ 3/13/2006 02:59:00 e.h.