Afslöppunartími..
Annars á ég að vera að læra.. Þurfti að koma til systur minnar til að ná bók sem ég var að panta á Amazon, brjálaða stærðfræði kennslubók Angel de la Fuenta, Mathematical models in Economics, sem ég hefði viljað fá eittthvað fyrr.. en alas.. þetta tók þó ekki eins langan tíma og þeir sögðu á netinu, bókin átti að koma 22. júní, en sem betur fer fyrir mína kom hún aðeins fyrr þar sem ég þarf virkilega á henni að halda núna.. aðeins nokkrir dagar í miðsannarpróf :P
Annars rólegt að frétta.. kemst mjög lítið á netið sem er svo sem ágætt þar sem ég þarf að nota tímann við að læra.. kakkalakkarnir ennþá í heimsókn í herberginu hjá minni. En annars er mér aðeins léttar fyrir hjartanum þar sem:
Ég þarf víst ekki að taka alla fjóra stærðfræðiáfangana...heldur aðeins tvo :) fewhh :P sem eru þó svaðalega erfiðir, Optimization og Probability Theory. Ég og Alex, strákurinn sem er einnig að fara á fyrsta árið í MMEF, fáum einnig einkakennara í tvo klukkutíma á dag til að fara yfir stærðfræðicase með okkur :D
Ég er annars að kíkja til London núna á Laugardaginn :) Brósi nýorðinn 30 og hann í London í augnablikinu, gaman að kíkja á hann sem og sjá London :P hef aldrei komið þangað.. Bíddi..af hverju ertu ekki í London núna!!!!
Erla er svo að fara að útskrifast eftir nokkra daga sem Cand. Pshyc. í sálfræði.. stelpan útskrifast með rétt nærri 9,0 í meðaleinkunn og gef ég henni lófaklapp fyrir!!! skil ekki alveg hvernig þetta er hægt .. ouf.,... allaveganna..dugleg stelpa ;)
Stærðfræði og kakkalakkar!
jep, fyrsta nóttin mín á dorminu var þannig að ég vaknaði við að einhver af vinum mínum kakkalökkunum var að príla á handleggnum á mínum!!!´
Eitrað var fyrir þeim í lok apríl en einhverjir virðast hafa verið eftir í mínum herbergi, þar sem ég er búin að leggja tvær gildrur í herberginu og þær eru fullar.. ojjjjj.. og mín versta martröð að einhver ljót skordýr myndu skríða á mér meðan ég er sofandi er orðin að veruleika :p ég er þó enn á lífi og því allt í lagi. Þarf aðeins að finna lausn á þessu eins og stærðfræðinni sem er kennd!
Hef aldrei séð svona svaðalega stærðfræði, langt fyrir ofan mína getu í augnablikinu! Ég hef tekið tvo áfanga í macro og microeconomics.. en greinilega eru þeir ekki nægjanleg undirstaða fyrir þessa áfanga.. formúlur á formúlur á ofan og óskiljanlegar þar að auki..og svo þarf að sanna allt saman!!! Líkindafræðin og hámörkun eru þó enn verri áfangar.. ég er eiginlega búin að vera í sjokki síðan á föstudaginn.. svona að ég nái að tjasla þessu saman einhvernveginn..
Hef ekkert internet á campusnumm :( og því verð mun ég ekki vera mikið á netinu á næstunni :P enda þarf mín að læra :) verkefnaskil í Optimization á morgun og ég þarf að lesa einhver ósköp áður en ég skil að einhverju leyti hvernig ég á að leysa þessi dæmi :l
A+ (eða þar til næst kæru vinir)
Sorbonne og Dormið
Já, skólinn byrjaður og ég er búin að vera á haus. Lítið sem ekkert verið nettengd og á hlaupum út um allt. Er búin að flytja töluvert af dótinu mínu á dormið, en herbergið sem ég er með er svona lítil studio íbúð, 20 fm líklegast með ísskáp og tveimur litlum rafmagshellum, klósett og sturta..já og reyndar er einnig bidet :) nota það líklegast ekki mikið!
Herbergið er ílangt og mjótt og frekar hrátt.. Ekki virka öll ljósin og gardínurnar eru allar rifnar og í henglum :P en ég held að ég geti gert þetta eitthvað pínulítið sætara og þá verður þetta allt í lagi.. NEMA ég fær enga internettengingu í sumar :( sem er endalaust súrt!!!
Fyrsti dagurinn í skólanum var á föstudaginn. Tími í Optimization og var hann drulluerfiður, math math math math math og aðeins meiri math... og svo allt á ensku.. og því var ég eiginlega í vandræðum þó enskan hjá mér sé ágæt þá þekki ég ekki fagorðin og ég skildi svona aðeins þegar formúlurnar voru ritaðar niður.. en svo er kennarinn með hreim og talar fáránlega hratt og skrifar hroðalega.. ouf... ég var með í maganum eftir þennan dag..
Ég HÉLT að ég væri að fara í kúrsa til að undirbúa mig fyrir fyrsta árið í MMEF en svo virðist vera sem ég sé með krökkum sem eru að fara á annað árið. Við erum 13 krakkar og 10 af þeim eru að fara á annað árið í QME náminu og því búin að taka fyrsta árið og þekkja þetta töluvert fyrir eðlilega! Við erum þrjú sem erum að fara á fysta árið, ein stúlkan er frá Kína og var að klára Masterinn í stærðfræði/tölfræði.. dísús.. og hinn gaurinn er eins og ég. Að fara á fyrsta árið í MMEF og hefur ekki snert stærðfræði síðan í menntaskóla. Nefninlega í mínu háskólanámi var aðeins einn stærðfræðikúrs.. og því frekar lítið á því að græða. Ég er því búin að vera í SMÁ panicki þessa helgina. Fékk þó flottar glósur hjá einni stúlkunni síðan síðasta haust hjá henni.. og mér sínist þær geta hjálpað mér heilan helling að leysa fyrsta verkefnið sem okkur var falið að gera og skila fyrir næsta föstudag!!
ÉG þurfti einnig í gær að taka sófa/rúmið mitt í íbúðinni sem ég leigði út maí mánuð hjá Adrien. Það tók helv...helling tíma að finna bílastæði.. fundum ekkert fyrr en við lögðum töluvert langt í burtu í bílastæðahúsi. Við þurftum því að bögglast með rúmið alla þessa leið.. og auðvitað vita vonlaust að halda á því straight og því fékk það verulega illa útreið.
Ég vil óska vinum mínum Kristínu Ingu og Ragnari ynnilega til hamingju með brúðkaupsdaginn þeirra sem var í gær 3. júní. Vildi að ég hefði getað komið! Vona að dagurinn hafi verið fullkominn fyrir ykkur! Hlakka til að sjá myndir af deginum :)
Ég vil einnig óska Gunnu minni ynnilega til hamingju með afmælisdaginn á föstudaginn sl. Fyrirgefðu mér fyrir að hafa gleymt deginum!!! Ég mundi eftir honum alla vikuna en svo var allt á haus á sjálfum deginum!!! Ég er bara vonlaus stundum :(
annars knús og kossar til ykkar allra,
p.s. Sigurborg.. viltu senda mér upplýsingar um síma og heimilisfang hjá ykkur.. hef ekkert í höndunum og það tókst ekki að forwarda mailinu frá icelandic með þeim upplýsingum!!!
p.s.2 Mínum tókst að kaupa sér tölvu loksins! :) Vaio Sony tölva, 13.3" skjár, voða sæt og töluvert öflug :) minn því svaka ánægð með kaupin
